وقفة مع النفس لحظات-أرجو الدخول للاهمية

ياجماعة والله لازم نقف وقفة

أرجو أن تقرأ الموضوع بعناية لحد الآخر
وما تقولش يا عم نفض يا عم لسة بدري على ما ربنا يتوب علينا

سأفتتح الموضوع بقول الله تعالى فى سورة القيامة
بسم الله الرحمن الرحيم
كلا اذا بلغت التراقي وقيل من راق*وظن انه الفراق*والتفت الساق بالساق*الي ربك يومئذ المساق وجوه يومئذ ناضرة ** الى ربها ناظرة ** ووجوه يومئذ باسرة ** تظن ان يفعل بها فاقرة

انا بجد في ذهول ..ظاهرة موت الشباب انتشرت بكثرة ... وخاصة موت الفجأة

لم تنقض سوى أيام على وفاة أخت لكم في الفرقة السادسة وأخ لنا بقسم الباطنة..وامتى..بعد زفافهم بيومين !!لا حول ولا قوة الا بالله

ومن 24 ساعة سمعت خبر موتمفاجيء لشاب في سنكم في حادث مروع!

وقبله شاب آخر في حادث آخر

وبسبب أو بدون سبب الموت مايعرفش أسباب قريب جدا شاب بيلعب ماتش كورة مع صحابه وبدون مقدمات وقع على الأرض..نقلوه المستشفى ميت

وشاب في العشرينات راكب العجلة بتاعته بالليل .. تعثرت العجلة ووقع على الأرض وقعة بسيطة جدا...راح المستشفى بيعمل أشعات على ايده ورجله طلع سليم...روح لأهله اللي كانوا قلقانين عليه ..عالصبح دخل في غيبوبة مفاجأة ومات بنزيف داخلي...

وشاب جارنا 18 سنة..صلى الفجر في الجامع وكان صايم ..نام الصبح..بيصحوه عالضهر.. ماصحيش !

والشباب المصري اللي غرق في مركب في البحر... والصحفي الشاب اللي مات من يومين.... وحادثة شنوان ..وحادثة بنها...وحادثة قويسنا...من شهر ...كلهم شباب ياجماعة ما كملوش ال 25 سنة !!

انا لله وانا اليه راجعون

والله الموت أقرب لنا من شربة الماء ... وياترى الدور اللي جاي على مين...

ايه اللي يمنع ان النعي اللي جاي يكون في واحد منا ... الموت حق يا جماعة والله

اللهم أحسن خاتمتنا يارب... أكثروا من الاستعاذة من موت الفجأة كما علمنا رسول الله صلى الله عليه وسلم

انا مش بقول الكلام ده عشان نعيش حالة من الهلع واليأس وترك أمور الدنيا

بس ياجماعة والله هي دي الحقيقة.. انا كل يومين بشوف قدامي وبسمع عن شباب بيموت بسبب وبدون سبب

ياجماعة اللي بينه وبين ربه حاجة غلط يصلحها النهاردة...لو الدور اللي جاي عليك هتقابله بأي وجه.. وبعدين وقتها المصير حتمي ومنتهي وأبدي وياجنة يا نار..

ياجماعة اللي مبيصليش يقوم يتوضى ويصلي

اللي بايت مبكي أمه ومزعل أبوه يقوم يبوس رجليهم

اللي بايت واكل مال حرام يقوم يرجعه لأصحابه وان مالحقش دلوقتي يقوم يكتب المستحقات في ورقة
والله ما حد عارف ولا انا عارف ان كنت هكمل الكلمتين اللي انا بكتبهم دول ولا عمري هينقضي قبلهم

ياجماعة اللي بيعمل أي معصية .. اللي بيغتاب ..اللي بيوقع بين الناس.. اللي بيأذي الناس بكلام أو فعل.. اللي بيكذب... اللي بيشرب سجاير...اللي بيشوف لقطات مغضبة لله أو بيسمع أغاني...اللي بيطلق لبصره العنان ويتعدى على حرمات الله.. اللي بيتعدى الى ما هو أكببرمن ذلك

يا جماعة أرجوكوا نتوب من النهاردة... وايا كان الذنب
مش هتخسر أي حاجة لوقلت دلوقتي "أستغفر الله" بصدق وبعهد بينك وبين الله انك مش هترجع

تأكد ان كل ذنب ارتكبته ان شاء الله اتمسح من سجلاتك

وتقدر تنام الليلادي مرتاح ومش قلقان يكون الدور الجاي عليك... لأن وقتها حتى لو افترقنا

فوالله الذي لا اله الا هو حالك وقتها هيكون أحسن من حالنا وربك مش هيخزيك أبدا

ربنا يتوب علينا جميعا ويرحمنا اذا صرنا الا ما صاروا اليه...ويغفر لنا ولجميع موتانا يارب

وتذكر قول الله تعالى
وانا لله وانا اليه راجعون

الموضوع منقـــــــــــــــــــــــــــــــــــــول لنشر الخير والإيمان
نسأل من الله أن ينفعنا واياكم بهذا العمل

بارك الله فيك